ഈ വര്‍ഷം മുഴുവന്‍ വീട്ടിലിരുന്ന് ജോലി ചെയ്യാമെന്ന് ജീവനക്കാരോട് ഫേസ്ബുക്ക്

ജൂലായ് ആറിന് ഓഫീസുകള്‍ തുറക്കുമെങ്കിലും ഈവര്‍ഷം അവസാനംവരെ ജീവനക്കാര്‍ക്ക് വീട്ടിലിരുന്ന് ജോലി ചെയ്യാമെന്ന് ഫേസ്ബുക്ക്. കൊവിഡിനെ തുടർന്ന് അടച്ചിട്ട ഓഫീസ് ജൂലായ് ആറിന് തുറക്കുമെങ്കിലും അത്യാവശ്യത്തിനുള്ള ജീവനക്കാർ മാത്രമാകും ഓഫീസുകളിലുണ്ടാകുക. ഇത് സംബന്ധിച്ച് ഉത്തരവ് ഫേസ്ബുക്ക് സിഇഒ ഔദ്യോഗികമായി അറിയിക്കുമെന്നും റിപ്പോർട്ടിൽ പറയുന്നു. മാർച്ച് തുടക്കം മുതലാണ് ജീവനക്കാർക്ക് വീട്ടിലിരുന്ന് ജോലി ചെയ്യാനുള്ള സൗകര്യം ഫേസ്ബുക്ക് ഒരുക്കിയത്. നിലവിൽ 48,268 ജീവനക്കാരുള്ള കമ്പനിയിൽ വ്യക്തികളെ പങ്കെടുപ്പിച്ചു കൊണ്ടുള്ള എല്ലാ ഔദ്യോഗിക കോൺഫറൻസുകളെല്ലാം റദ്ദ് ചെയ്തിട്ടുണ്ട്. മറ്റ് വന്‍കിട കമ്പനികളെയെന്നപോലെ കോവിഡ് മൂലമുള്ള പ്രതിസന്ധി കമ്പനിയെയും ബാധിച്ചതായി റിപ്പോര്‍ട്ടില്‍ പറയുന്നു.

LEAVE A REPLY വാർത്തകളോട് പ്രതികരിക്കുന്നവർ അശ്ലീലവും അസഭ്യവും നിയമവിരുദ്ധവും അപകീർത്തികരവും സ്പർധ വളർത്തുന്നതുമായ പരാമർശങ്ങൾ ഒഴിവാക്കുക. വ്യക്തിപരമായ അധിക്ഷേപങ്ങൾ പാടില്ല. ഇത്തരം അഭിപ്രായങ്ങൾ സൈബർ നിയമപ്രകാരം ശിക്ഷാർഹമാണ്‌. വായനക്കാരുടെ അഭിപ്രായങ്ങൾ വായനക്കാരുടേത് മാത്രമാണ്. ബിസിനസ് മലയാളിയുടേത് അല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ളീഷ് ഒഴിവാക്കുക.

Please enter your comment!
Please enter your name here