വാര്‍ത്തമാധ്യമങ്ങള്‍ക്ക് പ്രതിഫലവുമായി ഗൂഗിള്‍

വാര്‍ത്തകള്‍ പുനരുപയോഗിക്കുന്നതിന് വാര്‍ത്തമാധ്യമങ്ങള്‍ക്ക് പ്രതിഫലം നല്‍കാനൊരുങ്ങി ഗൂഗിള്‍.അടുത്ത മൂന്ന് വര്‍ഷത്തേക്ക് 100 കോടി രൂപ പ്രതിഫലം നല്‍കാന്‍ പദ്ധതിയിടുന്നതായി ഗൂഗിള്‍ സിഇഒ സുന്ദര്‍ പിച്ചൈ അറിയിച്ചു. വിവിധ രാജ്യങ്ങളിലെ മാധ്യമ സ്ഥാപനങ്ങളുമായി കരാറിലേര്‍പ്പെടാനാണ് തീരുമാനം. നേരത്തെ ഇത് സംബന്ധിച്ച് യൂറോപ്യന്‍ രാജ്യങ്ങളില്‍ ഉള്‍പ്പെടെ നിയമനടപടി വരുന്ന സാഹചര്യത്തിലാണ് നീക്കം.
ന്യൂസ് ഷോകേസ് എന്ന പേരില്‍ ഗൂഗിളിന്റെ പുതിയ ഉല്‍പ്പന്നം അവതരിപ്പിക്കുന്നതിന് മുന്നോടിയായാണ് നീക്കം. ഇത് ജര്‍മനിയില്‍ ആദ്യം വിപണിയില്‍ എത്തുമെന്ന്‌സുന്ദര്‍ പിച്ചൈ പറഞ്ഞു. അവിടെ ജര്‍മന്‍ പത്രങ്ങളായ ദെര്‍ സ്‌പെയിഗല്‍, സ്റ്റേന്‍, ദ, സെയിറ്റ തുടങ്ങിയവരുമായി കരാറില്‍ ഒപ്പുവെച്ചു. ബെല്‍ജിയം, ഇന്ത്യ, നെതര്‍ലാന്റ് എന്നീ രാജ്യങ്ങളിലേക്കും പദ്ധതി വ്യാപിപ്പിക്കും. അര്‍ജന്റീന, ഓസ്‌ട്രേലിയ, ബ്രിട്ടണ്‍, ബ്രസീല്‍, കാനഡ, ജര്‍മ്മനി എന്നിവിടങ്ങളിലെ 200 ഓളം പ്രസാധകരുമായി ഇതിനകം കരാറില്‍ ഒപ്പ് വെച്ചിട്ടുണ്ട്. സ്റ്റോറികള്‍ തെരഞ്ഞെടുക്കുന്നതിനും അത് അവതരിപ്പിക്കുന്നതിനുമുള്ള പുതിയ സംവിധാനം ആദ്യം ആന്‍ഡ്രോയിഡ് ഉപകരണങ്ങളിലും പിന്നീട് ആപ്പിളിലും ആരംഭിക്കാനാണ് പദ്ധതി.

LEAVE A REPLY വാർത്തകളോട് പ്രതികരിക്കുന്നവർ അശ്ലീലവും അസഭ്യവും നിയമവിരുദ്ധവും അപകീർത്തികരവും സ്പർധ വളർത്തുന്നതുമായ പരാമർശങ്ങൾ ഒഴിവാക്കുക. വ്യക്തിപരമായ അധിക്ഷേപങ്ങൾ പാടില്ല. ഇത്തരം അഭിപ്രായങ്ങൾ സൈബർ നിയമപ്രകാരം ശിക്ഷാർഹമാണ്‌. വായനക്കാരുടെ അഭിപ്രായങ്ങൾ വായനക്കാരുടേത് മാത്രമാണ്. ബിസിനസ് മലയാളിയുടേത് അല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ളീഷ് ഒഴിവാക്കുക.

Please enter your comment!
Please enter your name here