ഹോണ്ട കാറുകള്‍ക്ക് 2.5 ലക്ഷം വരെ ഓഫര്‍

വാഹന വിപണിയില്‍ മികച്ച ഓഫറുകളുമായി ഹോണ്ടയും രംഗത്തെത്തി. 2.5 ലക്ഷം രൂപ വരെയുള്ള ആനുകൂല്യങ്ങളാണ് ഹോണ്ട പ്രഖ്യാപിച്ചിരിക്കുന്നത്. ഇന്ത്യയിലെ ഉത്സവ സീസണ്‍ പൊതുവെ വാഹന നിര്‍മാതാക്കള്‍ക്കും ഉപയോക്താക്കള്‍ക്കും നല്ല സമയമാണ് . ഈ വര്‍ഷം കൂടുതല്‍ ആളുകളെ
ഹോണ്ടയിലേക്ക് ആകര്‍ഷിക്കുന്നതിനായാണ് മികച്ച ഓഫറുകള്‍ നേരത്തെ തന്നെ കമ്പനിപ്രഖ്യാപിച്ചിരിക്കുന്നത്.
ഹോണ്ടയുടെ പ്രീമിയം സെഡാന്‍ മോഡലായ സിവിക്കിനാണ് ഏറ്റവും വലിയ ഓഫര്‍. 2.5 ലക്ഷം രൂപ വരെയുള്ള ഓഫറാണ് ഈ ഫ്ളാഗ്ഷിപ്പ് മോഡലിന് നല്‍കുന്നത്.
സിവിക്കിന്റെ പെട്രോള്‍ മോഡലിന് ഒരുലക്ഷം രൂപയുടെ ക്യാഷ് ഡിസ്‌കൗണ്ടും ഡീസല്‍ മോഡലിന് 2.5 ലക്ഷം രൂപ വരെ ക്യാഷ് ഡിസ്‌കൗണ്ടുമാണ് ഹോണ്ട പ്രഖ്യാപിച്ചത്. ക്യാഷ് ഡിസ്‌കൗണ്ട്, എക്സ്ചേഞ്ച് ബോണസ്, എക്സ്റ്റെന്റഡ് വാറണ്ടി, ലോയലിറ്റി ബോണസ് തുടങ്ങി വിവിധ വിഭാഗങ്ങളിലായാണ് ഓഫറുകള്‍. അമേസ്, അഞ്ചാം തലമുറ സിറ്റി, പുതിയ ഡബ്ല്യുആര്‍വി, ജാസ്, സിവിക് തുടങ്ങിയ മോഡലുകള്‍ക്കാണ് ആകര്‍ഷകമായ ഓഫറുകള്‍ ലഭിക്കുക. സബ്കോംപാക്ട് എസ്.യു.വിയായ അമേസിന് 47,000 രൂപ വരെയുള്ള ആനുകൂല്യങ്ങള്‍ നല്‍കുന്നുണ്ട്. 12,000 രൂപ വരെയുള്ള അഞ്ച് വര്‍ഷ എക്സ്റ്റെന്റഡ് വാറണ്ടി, 15,000 രൂപയുടെ എക്സ്ചേഞ്ച് ബോണസ്, പെട്രോള്‍ മോഡലിന് 20,000 രൂപയുടെയും ഡീസല്‍ മോഡലിന് 10,000 രൂപയുടെയും ക്യാഷ് ഡിസ്‌കൗണ്ടുമാണ് ഹോണ്ട പ്രഖ്യാപിച്ചിരിക്കുന്നത്.
അഞ്ചാം തലമുറ ഹോണ്ട സിറ്റിക്ക് 30,000 രൂപയുടെ ഓഫറുകളാണ് ഹോണ്ട ഒരുക്കിയിരിക്കുന്നത്. ഡബ്ല്യുആര്‍വി, ജാസ് എന്നീ മോഡലുകള്‍ക്ക് 25,000 രൂപയുടെ ക്യാഷ് ഡിസ്‌കൗണ്ടും നല്‍കുന്നുണ്ട്. ഈ വാഹനങ്ങള്‍ക്കായി പഴയ വാഹനങ്ങള്‍ എക്സ്ചേഞ്ച് ചെയ്യുന്നവര്‍ക്ക് 15,000 രൂപയുടെ ബോണസും നല്‍കും. നാലാം തലമുറ സിറ്റിക്ക് ഓഫറില്ല.

LEAVE A REPLY വാർത്തകളോട് പ്രതികരിക്കുന്നവർ അശ്ലീലവും അസഭ്യവും നിയമവിരുദ്ധവും അപകീർത്തികരവും സ്പർധ വളർത്തുന്നതുമായ പരാമർശങ്ങൾ ഒഴിവാക്കുക. വ്യക്തിപരമായ അധിക്ഷേപങ്ങൾ പാടില്ല. ഇത്തരം അഭിപ്രായങ്ങൾ സൈബർ നിയമപ്രകാരം ശിക്ഷാർഹമാണ്‌. വായനക്കാരുടെ അഭിപ്രായങ്ങൾ വായനക്കാരുടേത് മാത്രമാണ്. ബിസിനസ് മലയാളിയുടേത് അല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ളീഷ് ഒഴിവാക്കുക.

Please enter your comment!
Please enter your name here