ആലപ്പുഴയുടെ ആപ്പില്‍ കേന്ദ്രസര്‍ക്കാറിന്റ കോണ്‍ഫറന്‍സ്

ആലപ്പുഴ: കേന്ദ്ര സര്‍ക്കാരിന്റെ ഔദ്യോഗിക വിഡിയോ കോണ്‍ഫറന്‍സിങ്ങിനു വി-കണ്‍സോള്‍ ആപ്ലിക്കേഷന്‍ ഉപയോഗിച്ചു തുടങ്ങി.
കേന്ദ്ര ഇലക്ട്രോണിക്‌സ് ആന്‍ഡ് ഐടി മന്ത്രാലയം പ്രഖ്യാപിച്ച ഇന്നവേഷന്‍ ചാലഞ്ചില്‍ ഒന്നാമതെത്തിയ ചേര്‍ത്തല
ഇന്‍ഫോപാര്‍ക്കിലെ ടെക്ജന്‍ഷ്യ കമ്പനി തയാറാക്കിയതാണ് വി-കണ്‍സോള്‍ ആപ്ലിക്കേഷന്‍. ഈ ആപ്പില്‍ വിവിധ വകുപ്പുകളിലെ ആവശ്യങ്ങള്‍ക്ക് ആയിരത്തിലധികം
അക്കൗണ്ടുകള്‍ (യൂസര്‍ ലൈസന്‍സ്) സൃഷ്ടിച്ചിട്ടുണ്ട്.
Bharatvc.nic.in എന്ന യുആര്‍എല്‍ (യൂണിഫോം റിസോഴ്‌സ് ലൊക്കേറ്റര്‍) ഉപയോഗിച്ചാണ് കേന്ദ്ര സര്‍ക്കാരിനു കീഴിലെ വിവിധ വകുപ്പുകളിലെ ജീവനക്കാര്‍ക്ക് ആപ്
ലഭ്യമാക്കുന്നത്.
സംസ്ഥാന സര്‍ക്കാരും വി-കണ്‍സോള്‍ ആപ്ലിക്കേഷന്‍ ഉപയോഗിക്കുന്നതിനു ശ്രമം തുടങ്ങി. സംസ്ഥാന സര്‍ക്കാരിന്റെ വിഡിയോ കോണ്‍ഫറന്‍സിങ്ങിന് ഈ ആപ് ഉപയോഗിക്കാവുന്നതാണെന്ന ടെക്‌നോപാര്‍ക്ക് സിഇഒയുടെ ശുപാര്‍ശയുടെ അടിസ്ഥാനത്തില്‍ ഇതിന്റെ സാധ്യതകള്‍ പരിശോധിക്കുന്നതിന് ഐടി സെക്രട്ടറി ചെയര്‍മാനായി കഴിഞ്ഞ ദിവസം ആറംഗ കമ്മിറ്റി രൂപീകരിച്ചിരുന്നു. ആപ് പൊതുജനങ്ങള്‍ക്കു ലഭ്യമാക്കുന്ന ജോലി അവസാന ഘട്ടത്തിലാണ്.

LEAVE A REPLY വാർത്തകളോട് പ്രതികരിക്കുന്നവർ അശ്ലീലവും അസഭ്യവും നിയമവിരുദ്ധവും അപകീർത്തികരവും സ്പർധ വളർത്തുന്നതുമായ പരാമർശങ്ങൾ ഒഴിവാക്കുക. വ്യക്തിപരമായ അധിക്ഷേപങ്ങൾ പാടില്ല. ഇത്തരം അഭിപ്രായങ്ങൾ സൈബർ നിയമപ്രകാരം ശിക്ഷാർഹമാണ്‌. വായനക്കാരുടെ അഭിപ്രായങ്ങൾ വായനക്കാരുടേത് മാത്രമാണ്. ബിസിനസ് മലയാളിയുടേത് അല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ളീഷ് ഒഴിവാക്കുക.

Please enter your comment!
Please enter your name here