എസ്.യു.വി ക്രെറ്റയുടെ കയറ്റുമതി 2 ലക്ഷം കടന്നു

ഇന്ത്യയിൽ നിന്നുള്ള ഹ്യുണ്ടായിയുടെ സ്‌പോര്‍ട് യൂട്ടിലിറ്റി വാഹനമായ(എസ്.യു.വി ) ക്രെറ്റയുടെ കയറ്റുമതി 2 ലക്ഷം കടന്നു. കഴിഞ്ഞ വര്‍ഷം വ്യത്യസ്ത രാജ്യങ്ങള്‍ക്കായി 792 വകഭേദങ്ങളിലായി 1,81,200 യൂണിറ്റാണ് കയറ്റുമതി ചെയ്തത്. 2015 വിപണിയിലെത്തിയ ക്രേറ്റയ്ക്ക് ആഗോളതലത്തില്‍ തന്നെ സ്വീകാര്യത കൈവരിക്കാനായെന്ന് എച്ച്എംഐഎല്‍ മാനേജിങ് ഡയറക്ടറും ചീഫ് എക്‌സിക്യൂട്ടീവ് ഓഫിസറുമായ എസ്എസ്‌കിം പറഞ്ഞു.

ഇന്ത്യയില്‍ നിന്നുള്ള കാര്‍ കയറ്റുമതിയില്‍ 26% വിഹിതമാണ് ഹ്യുണ്ടായ് അവകാശപ്പെടുന്നത്. ദക്ഷിണ അമേരിക്കയിലെ 32 രാജ്യങ്ങളിലേക്കും ആഫ്രിക്കയിലെ 28 രാജ്യങ്ങളിലേക്കും ഏഷ്യ പസഫിക് മേഖലയിലെ 26 വിപണികളിലേക്കും നോര്‍ത്ത് അമേരിക്കയിലും യൂറോപ്പിലും ഓരോ രാജ്യങ്ങളിലേക്കും ഇന്ത്യന്‍ നിര്‍മിത വാഹനങ്ങള്‍ ഹ്യുണ്ടായി കയറ്റുമതി ചെയ്യുന്നുണ്ട്. ‘ആറ്റോസ്'(‘സാന്‍ട്രോ’), ‘ഗ്രാന്‍ഡ് ഐ 10’, ‘എക്‌സെന്റ്’, ‘ഗ്രാന്‍ഡ് ഐ 10 നിയോസ്’, ‘ഗ്രാന്‍ഡ് ഐ 10 ഓറ’, ‘എലീറ്റ് ഐ 20’, ‘ഐ 20 ആക്ടീവ്’, ‘അക്‌സന്റ്'(‘വെര്‍ണ’), ‘വെന്യൂ’, ‘ക്രേറ്റ’ എന്നീ 10 മോഡൽ വാഹനങ്ങളാണ് ഇന്ത്യയിൽ നിർമിച്ച് കയറ്റുമതി ചെയ്യുന്നത്.

LEAVE A REPLY വാർത്തകളോട് പ്രതികരിക്കുന്നവർ അശ്ലീലവും അസഭ്യവും നിയമവിരുദ്ധവും അപകീർത്തികരവും സ്പർധ വളർത്തുന്നതുമായ പരാമർശങ്ങൾ ഒഴിവാക്കുക. വ്യക്തിപരമായ അധിക്ഷേപങ്ങൾ പാടില്ല. ഇത്തരം അഭിപ്രായങ്ങൾ സൈബർ നിയമപ്രകാരം ശിക്ഷാർഹമാണ്‌. വായനക്കാരുടെ അഭിപ്രായങ്ങൾ വായനക്കാരുടേത് മാത്രമാണ്. ബിസിനസ് മലയാളിയുടേത് അല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ളീഷ് ഒഴിവാക്കുക.

Please enter your comment!
Please enter your name here