‘കാണെക്കാണെ’യുടെ ഷൂട്ടിംഗ് തുടങ്ങി

ടോവിനോ തോമസ്, ഐശ്വര്യ ലക്ഷ്മി, സൂരജ് വെഞ്ഞാറമൂട് എന്നിവർ ഒന്നിക്കുന്ന പുതിയ ചിത്രം ‘കാണെക്കാണെ’യുടെ ഷൂട്ടിംഗ് പൂജയോടെ തുടങ്ങി. ഉയരെ എന്ന സൂപ്പര്‍ഹിറ്റിനു ശേഷം സംവിധായകൻ മനു അശോകനും തിരക്കഥാകൃത്തുക്കളായ ബോബി-സഞ്ജയ് ടീമും വീണ്ടും ഒന്നിക്കുന്ന ചിത്രം വിവിധ ഷെഡ്യൂളുകളിലായാണ് പൂര്‍ത്തിയാക്കുക. പ്രേം പ്രകാശ്, ശ്രുതി രാമചന്ദ്രൻ, റോണി ഡേവിഡ് രാജ് എന്നിവരും പ്രധാന വേഷങ്ങളിൽ എത്തുന്നുണ്ട്. ആൽബി ആന്‍റണി ഛായാഗ്രാഹകനായും അഭിലാഷ് ചന്ദ്രൻ എഡിറ്ററായും പ്രവര്‍ത്തിക്കും. ജോസഫിലൂടെ ശ്രദ്ധിക്കപ്പെട്ട രഞ്ജിൻ രാജാണ് ചിത്രത്തിനായി സംഗീതം ഒരുക്കുന്നത്. ഡ്രീം കാച്ചറിന്‍റെ ബാനറിലാണ് ചിത്രം നിർമ്മിക്കുന്നത്. സിനിമയൊരു ക്രൈം ത്രില്ലർ ആണെന്നാണ് ടൈറ്റിൽ പോസ്റ്റർ നൽകുന്ന സൂചന.