ഇന്ത്യ സാമ്പത്തിക മാന്ദ്യത്തിന്റെ ഏറ്റവും മോശമായ അവസ്ഥയിലേക്ക്

മുംബൈ: ഇന്ത്യയുടെ സമ്പദ്‌വ്യവസ്ഥ ജൂലൈ മുതൽ സെപ്റ്റംബർ വരെ 7.5 ശതമാനമായി ചുരുങ്ങി. ഉയർന്നുവരുന്ന പ്രധാന സമ്പദ്‌വ്യവസ്ഥയിൽ ഏറ്റവും മോശമായ അവസ്ഥ, സ്വാതന്ത്ര്യാനന്തരം ആദ്യമായി സാങ്കേതിക മാന്ദ്യത്തിലേക്ക് ഇന്ത്യ പ്രവേശിച്ചു.

കഴിഞ്ഞ പാദത്തിൽ റെക്കോർഡ് 23.9 ശതമാനം ചുരുങ്ങിയതായി രേഖപ്പെടുത്തിയിട്ടുണ്ടെങ്കിലും, കൊറോണ ബാധിതരുടെ എണ്ണം വർദ്ധിക്കുമ്പോൾ സാമ്പത്തിക മാന്ദ്യത്തിൽ നിന്ന് ഉയരാൻ ഏഷ്യയിലെ മൂന്നാമത്തെ വലിയ സമ്പദ്‌വ്യവസ്ഥ കടുത്ത പോരാട്ടത്തിലാണ് എന്ന് ഡാറ്റ സൂചിപ്പിക്കുന്നു.

തുടർച്ചയായ രണ്ട് പാദങ്ങളിൽ സമ്പദ്‌വ്യവസ്ഥ ചുരുങ്ങിയത് അർത്ഥമാക്കുന്നത് രാജ്യം ഇപ്പോൾ 1947 ന് ശേഷം ആദ്യമായി “സാങ്കേതിക മാന്ദ്യത്തിലേക്ക്” പ്രവേശിച്ചു എന്നാണ്.

ഉപഭോക്തൃ ബിസിനസുകൾക്ക് ഒക്ടോബർ-നവംബർ ഉത്സവ സീസണിൽ വിപണിയിൽ വളർച്ചയുണ്ടായെങ്കിലും സമ്പദ്‌വ്യവസ്ഥകൾ മുഴുവനായി വീണ്ടെടുക്കുമെന്നുള്ള പ്രതീക്ഷകൾ തകർന്നു.

താരതമ്യേന എപ്പോഴും കൃഷിയിൽ ഉയർച്ചയുണ്ടായിരുന്നു എങ്കിലും, ജൂലൈ-സെപ്റ്റംബർ കാലയളവിൽ കാർഷിക ഉൽപാദനത്തിൽ 40 ശതമാനം ഇടിവാണ് രേഖപ്പെടുത്തിയത്.

“ഈ വർഷം 9.5 ശതമാനം ചുരുങ്ങുമെന്ന് പ്രതീക്ഷിക്കുന്നു. തകർന്ന സമ്പദ്‌വ്യവസ്ഥ പുനഃരാരംഭിക്കാൻ രാജ്യം പാടുപെട്ടിട്ടുണ്ട്” എന്ന് സെൻട്രൽ ബാങ്ക് ഗവർണർ ശക്തികാന്ത ദാസ് കഴിഞ്ഞ മാസം പുറത്തുവിട്ട കണക്കുകളിൽ വ്യക്തമാക്കുന്നു.

അതേസമയം, ഇന്റർനാഷണൽ മോണിറ്ററി ഫണ്ട് ഇന്ത്യയുടെ സമ്പദ്‌വ്യവസ്ഥ ഈ വർഷം 10.3 ശതമാനം ചുരുങ്ങുമെന്ന് പ്രവചിച്ചു; ഇത് വളർന്നുവരുന്ന ഏതൊരു ഉയർന്ന സമ്പദ്‌വ്യവസ്ഥയുടെയും ഏറ്റവും വലിയ മാന്ദ്യവും, സ്വാതന്ത്ര്യാനന്തരം മോശമായതുമാണ്.

9.3 ദശലക്ഷത്തിലധികം കോവിഡ് കേസുകളും ഇതുവരെ 135,000 മരണങ്ങളും രേഖപ്പെടുത്തി. അടുത്തിടെ ഒരു പ്രസംഗത്തിൽ, കോവിഡ് കേസുകളുടെ വർദ്ധനവിൽ ശക്തി കാന്തദാസ് മുന്നറിയിപ്പ് നൽകി, പുതുതായി ലോക്ക് ഡൗൺ പ്രഖ്യാപിച്ചാൽ സമ്പദ്‌വ്യവസ്ഥയെ കൂടുതൽ അപകടത്തിലാക്കും.

കോവിഡ് മൂലമുണ്ടായ ലോക്ക് ഡൗണുകൾ ആഗോള സമ്പദ്‌വ്യവസ്ഥ തകർത്തതിനുശേഷം, സെപ്റ്റംബർ 30 ന് അവസാനിച്ച പാദത്തിൽ യുഎസ്, ജപ്പാൻ, ജർമ്മനി എന്നിവയുൾപ്പെടെയുള്ള പ്രധാന സമ്പദ്‌വ്യവസ്ഥകൾ വളർച്ച രേഖപ്പെടുത്തി. എന്നാൽ അതോടൊപ്പം ഇന്ത്യയും വളരുമെന്ന പ്രതീക്ഷയുണ്ടായിരുന്നു.

1.3 ബില്യൺ ജനങ്ങളുള്ള രാജ്യത്ത് ലോക് ഡൗൺ സമ്പദ്‌വ്യവസ്ഥയിലെ ദശലക്ഷക്കണക്കിന് കുടിയേറ്റ തൊഴിലാളികൾ ഉൾപ്പെടെയുള്ളവർ ഒറ്റരാത്രികൊണ്ട് തൊഴിലില്ലാത്തവരായി.
സമ്പദ്‌വ്യവസ്ഥയെ പുനരുജ്ജീവിപ്പിക്കാൻ നിയന്ത്രണങ്ങൾ സർക്കാർ ലഘൂകരിക്കരിച്ചു. കർഷകർക്ക് എളുപ്പത്തിൽ വായ്പ ലഭ്യമാക്കുന്നതിനും ചെറുകിട ബിസിനസുകൾക്ക് ആനുകൂല്യങ്ങൾ നൽകുന്നതിനും രണ്ട് ഉത്തേജക പാക്കേജുകൾ പ്രഖ്യാപിച്ചു.