ഇന്ത്യയില്‍ നിര്‍മ്മാണ പ്ലാന്റ് വേണ്ടെന്ന് ബോയിംഗ്


യുഎസ് എയ്‌റോസ്‌പേസ് കമ്പനിയായ ബോയിംഗ് ഇന്ത്യയുടെ എയ്‌റോസ്‌പേസ് ഹബില്‍ നിര്‍മ്മാണ യൂണിറ്റ് സ്ഥാപിക്കാനുള്ള പദ്ധതികള്‍ ഉപേക്ഷിച്ചു. മുഖ്യമന്ത്രി ബി എസ് യെദ്യൂരപ്പ അധ്യക്ഷതയില്‍ ചേര്‍ന്ന സംസ്ഥാന ഉന്നതതല ക്ലിയറന്‍സ് കമ്മിറ്റി (എസ്എച്ച്എല്‍സിസി) ബോയിംഗിന്റെ അഭ്യര്‍ത്ഥന അംഗീകരിച്ചു.
കൊവിഡ് 19 മഹാമാരി മൂലം മന്ദഗതിയിലുള്ള ആവശ്യം കണക്കിലെടുത്ത് ബെംഗളൂരുവില്‍ നിര്‍മാണ പദ്ധതികള്‍ തുടരേണ്ടതില്ലെന്ന് കമ്പനി തീരുമാനിക്കുകയായിരുന്നു. 1,150 കോടി മുതല്‍മുടക്കില്‍ അന്താരാഷ്ട്ര വിമാനത്താവളത്തിനടുത്തുള്ള എയ്‌റോസ്‌പേസ് പാര്‍ക്കില്‍ 36 ഏക്കര്‍ സ്ഥലത്ത് എഞ്ചിനീയറിംഗ്, ഉല്‍പ്പന്ന വികസന കേന്ദ്രം സ്ഥാപിക്കാനുള്ള ബോയിംഗിന്റെ പദ്ധതിക്ക് രണ്ട് വര്‍ഷം മുമ്പ് സംസ്ഥാന സര്‍ക്കാര്‍ അംഗീകാരം നല്‍കിയിരുന്നു.
യുഎസിലെ പദ്ധതിക്ക് ശേഷം തങ്ങളുടെ രണ്ടാമത്തെ വലിയ കേന്ദ്രമായി ബെംഗളൂരുവില്‍ പദ്ധതി ആരംഭിക്കാനിയരുന്നു കമ്പനി തീരുമാനിച്ചിരുന്നത്.13,341 തൊഴിലവസരങ്ങളുള്ള 26,659 കോടി മുതല്‍ മുടക്കുള്ള അഞ്ച് പ്രോജക്ടുകളാണ് കമ്മിറ്റി അംഗീകരിച്ചിരുന്നത്.