ന്യൂഡല്‍ഹി: പുതിയ ബജറ്റില്‍ ഇറക്കുമതി തീരുവ വര്‍ധിക്കുന്നതിനാല്‍ മൊബൈല്‍ ഫോണുകള്‍ക്ക് വില കൂടും. ചില ഉല്‍പന്നങ്ങളുടെ ഇറക്കുമതി തീരുവ ഉയര്‍ത്തിയേക്കും. അഞ്ച് ശതമാനത്തില്‍ നിന്ന് 10 ശതമാനമായാണ് തീരുവ ഉയര്‍ത്തുക. സ്മാര്‍ട്ട്ഫോണ്‍, ഇലക്ട്രോണിക് ഉല്‍പന്നങ്ങള്‍, മറ്റ് ഉപകരണങ്ങള്‍ എന്നിവയുടെ തീരുവയാകും ഉയര്‍ത്തുക. മോദിയുടെ ആത്മനിര്‍ഭര്‍ ഭാരതിന് ഊര്‍ജം പകരുന്നതിനാവും തീരുവ ഉയര്‍ത്തുക.
കോവിഡ് സാഹചര്യം ആരോഗ്യമേഖലയില്‍ കൂടുതല്‍ ഊന്നല്‍ നല്‍കാന്‍ കേന്ദ്രസര്‍ക്കാറിനെ പ്രേരിപ്പിക്കുമെന്നുറപ്പാണ്. ഇതിനായി ആരോഗ്യമേഖലയില്‍ ചെലവഴിക്കുന്ന പണത്തിന്‍റെ തോത് കൂട്ടും. ജി.ഡി.പിയുടെ 4 ശതമാനമെങ്കിലും ആരോഗ്യമേഖലക്കായി മാറ്റിവെക്കുമെന്നാണ് റിപ്പോര്‍ട്ട്.
അടിസ്ഥാന സൗകര്യമേഖലയില്‍ 1.02 ട്രില്യണ്‍ രൂപയുടെ വികസനപ്രവര്‍ത്തനങ്ങള്‍ നടത്താനാണ് കേന്ദ്രസര്‍ക്കാര്‍ ലക്ഷ്യമിടുന്നത്. ഇത്തരം പദ്ധതികള്‍ക്കായി പണം കണ്ടെത്തുന്നത് സര്‍ക്കാറിന് മുന്നിലുള്ള പ്രധാന കടമ്ബ തന്നെയാണ്. ഇതിനായി പ്രത്യേക ധനകാര്യ സ്ഥാപനം കേന്ദ്രസര്‍ക്കാര്‍ ഈ ബജറ്റില്‍ പ്രഖ്യാപിച്ചേക്കും. കോവിഡ് മൂലം കടുത്ത സാമ്ബത്തിക പ്രതിസന്ധിയെ അഭിമുഖീകരിക്കുേമ്ബാഴാണ് ധനമന്ത്രി നിര്‍മല സീതാരാമന്‍ ഇക്കുറി ബജറ്റ് അവതരിപ്പിക്കുന്നത്. സമ്ബദ്വ്യവസ്ഥയില്‍ വളര്‍ച്ച തിരികെ കൊണ്ടുവരികയാണ് ബജറ്റിന്‍റെ പ്രധാനലക്ഷ്യങ്ങളിലൊന്ന് . ഇതിനായി കേന്ദ്രസര്‍ക്കാര്‍ ഊന്നല്‍ നല്‍കുക താഴെ പറയുന്ന മേഖലകളിലായിരിക്കും
ധനകമ്മി മറികടക്കാന്‍ ഇക്കുറിയും കമ്ബനികളുടെ ഓഹരി വില്‍പന തന്നെയാണ് സര്‍ക്കാറിന് മുന്നിലുള്ള പോംവഴി. ഓഹരി വില്‍പനയിലൂടെ 40 ബില്യണ്‍ ഡോളര്‍ സ്വരൂപിക്കാനാണ് സര്‍ക്കാര്‍ ലക്ഷ്യമിടുന്നത്. ഖനനം, ബാങ്കിങ് തുടങ്ങിയ മേഖലകളിലെ കമ്ബനികളുടെ ഓഹരിയാവും വില്‍ക്കുക.
