ഫാഷന്‍ വീക്ക് ഗ്രാന്‍ഡ് ഫിനാലെയ്ക്കായി പ്രത്യേക തീം സോങ്
തിരുവനന്തപുരം : ലുലു ഫാഷന്‍ വീക്കിന്‍റെ ഈ വര്‍ഷത്തെ ഗ്രാന്‍ഡ് ഫിനാലെയിലൂടെ ലോകത്തിന്‍റെ ഫാഷന്‍ റാംപിലേയ്ക്ക് ചുവടുവെയ്ക്കാനൊരുങ്ങി തലസ്ഥാനം. രാജ്യത്ത് ലുലു ഫാഷന്‍ വീക്കിന്‍റെ ആറാം പതിപ്പാണിതെങ്കിലും, തിരുവനന്തപുരത്ത് ഇതാദ്യത്തേതാണ്. മെയ് 17 മുതല്‍ 21 വരെ ലുലു മാളിലാണ് ഫാഷന്‍ വീക്ക് നടക്കുന്നത്. ഫ്ലൈയിംഗ് മെഷീനുമായി സഹകരിച്ച് ലിവൈസ് അവതരിപ്പിയ്ക്കുന്ന ലുലു ഫാഷന്‍ വീക്ക് ഈ വര്‍ഷത്തെ ഏറ്റവും വലിയ ഫാഷന്‍ ഈവന്‍റ് കൂടിയാണ്. മെയ് 17ന് വൈകുന്നേരം ആറ് മണിക്ക് ലുലു മാളിൽ നടക്കുന്ന ചടങ്ങിൽ മുൻ മിസ് സുപ്രാനാഷണൽ ഏഷ്യ റിതിക കട്നാനി ഫാഷൻ വീക്ക് ഉദ്ഘാടനം ചെയ്ത് റാംപിലെത്തും.
ലിവൈസ്, ഫ്ലയിംഗ് മെഷീന്‍, റഫ്, സ്പൈക്കര്‍, ഐഡന്‍റിറ്റി, അമേരിക്കന്‍ ടൂറിസ്റ്റര്‍, പാര്‍ക്ക് അവന്യൂ, വിഐപി, ജോക്കി, ക്ലാസിക് പോളോ,സഫാരി, ഇമാര, ക്രിംസണ്‍ ക്ലബ്, ഈറ്റന്‍, സീലിയോ, ക്യാപ്രിസ്, ക്രോയ്ഡണ്‍ യു കെ, അമുക്തി, ഇന്ത്യന്‍ ടെറെയ്ന്‍, റിയോ, ബ്ലാക്ബറീസ്, അലന്‍ സോളി, പീറ്റര്‍ ഇംഗ്ലണ്ട്, ക്രിതി ഉള്‍പ്പെടെ പ്രമുഖ അന്താരാഷ്ട്ര ബ്രാന്‍ഡുകളുടെ അടക്കം ഏറ്റവും ആകര്‍ഷകമായ സ്പ്രിംഗ്/സമ്മര്‍ കളക്ഷനുകള്‍ പ്രദര്‍ശിപ്പിച്ചുകൊണ്ട് മുപ്പതിലധികം ഫാഷന്‍ ഷോകളാണ് ഒരുക്കിയിരിക്കുന്നത്. രണ്ട് പതിറ്റാണ്ടിലധികമായി ഫാഷന്‍ രംഗത്തുള്ള മുംബൈയിലെ പ്രമുഖ കൊറിയോഗ്രാഫര്‍ ഷാക്കിര്‍ ഷെയ്ഖാണ് ഷോകള്‍ക്ക് നേതൃത്വം നല്‍കുക.
മെയ് 20ന് ഉച്ചയ്ക്ക് മൂന്ന് മണിക്ക് ഫാഷന്‍ ഫോറവും സംഘടിപ്പിച്ചിട്ടുണ്ട്. ഫാഷന്‍ ലോകത്തെ ട്രെന്‍ഡുകളും മാറ്റങ്ങളും പുതുമകളും ചര്‍ച്ച ചെയ്യുന്ന ഫാഷന്‍ ഫോറത്തില്‍ ഫാഷന്‍, എന്‍റര്‍ടെയ്ന്‍മെന്‍റ്, റീട്ടെയ്ല്‍ വ്യവസായം അടക്കമുള്ള മേഖലകളില്‍ നിന്നുള്ള പ്രമുഖര്‍ പങ്കെടുക്കും. ഇതേ മേഖലകളിലെ അസാധാരണമായ സംഭാവനകള്‍ മുന്‍നിര്‍ത്തി ഫാഷന്‍ ടൈറ്റിലുകളും, ഈ വര്‍ഷത്തെ മികച്ച വസ്ത്രബ്രാന്‍ഡുകള്‍ക്ക് എക്സ്ക്ലൂസീവ് ഫാഷന്‍ അവാര്‍ഡുകളും ലുലു ഫാഷന്‍ വീക്കില്‍ സമ്മാനിയ്ക്കും.
ലുലു ഫാഷന്‍ വീക്കിന്‍റെ ഭാഗമായി ലുലു മാളിലെ ഫാഷന്‍ ഡെസ്റ്റിനേഷനായ ഫാഷന്‍ സ്റ്റോറില്‍ ഏറ്റവും പുതിയ സ്പ്രിംഗ്/സമ്മര്‍ വസ്ത്രശേഖരങ്ങളുടെ ഡിസ്പ്ലേയും, അതിശയിപ്പിയ്ക്കുന്ന ഡിസ്കൗണ്ടുകളും ഒരുക്കിയിട്ടുണ്ട്. കൊച്ചി, ബെഗലൂരു, ലഖ്നൗ എന്നിവിടങ്ങളില്‍ ഈ മാസം ലുലു ഫാഷന്‍ വീക്ക് നടന്നിരുന്നു.
ഫാഷന്‍ വീക്ക് ഗ്രാന്‍ഡ് ഫിനാലെയ്ക്കായി പ്രത്യേക തീം സോങ്
തലസ്ഥാനത്ത് നടക്കുന്ന ലുലു ഫാഷന്‍ വീക്ക് ഗ്രാന്‍ഡ് ഫിനാലെയുടെ ഭാഗമായി പ്രത്യേക തീം സോങ് പുറത്തിറക്കി. ക്യാപിറ്റല്‍ കൂറ്റ്യര്‍ എന്ന പേരിലുള്ള തീം സോങില്‍ പശ്ചാത്തലമായി വരുന്നത് കേരളത്തിലെ വാദ്യോപകരണ സംഗീതമാണ്. ഇവയുടെ തനിമ ചോരാതെ, ആധുനികതയും ഫ്യൂഷനും ഒരുമിപ്പിയ്ക്കുന്നതാണ് തീം സോങ്. കള്‍ച്ചര്‍ ഫ്യൂച്ചര്‍ എന്ന ആശയം മുന്‍ നിര്‍ത്തിയാണ് ചിട്ടപ്പെടുത്തിയിരിയ്ക്കുന്നത്. സംഗീതജ്ഞനായ റിതം ആണ് തീം സോങ് ഒരുക്കിയത്.
ലുലു ഗ്രൂപ്പ് റീജിയണല്‍ ഡയറക്ടര്‍ ജോയ് ഷഡാനന്ദന്‍, ലുലു ഗ്രൂപ്പ് ഗ്ലോബൽ മാർക്കറ്റിംഗ് ആൻഡ് കമ്മ്യൂണിക്കേഷൻസ് ഡയറക്ടർ വി.നന്ദകുമാർ, റീജിയണല്‍ മാനേജര്‍ അബ്ദുള്‍ സലീം ഹസന്‍, ഹൈപ്പര്‍മാര്‍ക്കറ്റ് ജനറല്‍ മാനേജര്‍ രാജേഷ് ഇ വി, ബയിംഗ് മാനേജര്‍ റഫീഖ് സി എ, ഫിനാന്‍സ് മാനേജര്‍ അനൂപ് വര്‍ഗ്ഗീസ്, കൊറിയോഗ്രാഫര്‍ ഷാക്കിര്‍ ഷെയ്ഖ് തുടങ്ങിയവർ വാർത്ത സമ്മേളനത്തിൽ പങ്കെടുത്തു.
