ഗൂഗിള്‍ പേ, പേടിഎം എന്നിവ ഉപയോഗിക്കുന്നതുപോലെ വാട്ട്‌സാപ്പ് ഉപയോഗിക്കുന്നവര്‍ക്ക് യുപിഐ സംവിധാനമുള്ള ബാങ്ക് അക്കൗണ്ടുമായി ബന്ധിപ്പിച്ചാണ് പണംകൈമാറാന്‍ കഴിയുക.
സന്ദേശമയക്കുന്നതുപോലെ പണം കൈമാറാന്‍ പറ്റും. ചാറ്റ് ബാറിലുള്ള പെയ്‌മെന്റ്ല്‍ ക്ലിക്ക് ചെയ്ത് നേരിട്ട് നിമിഷനേരംകൊണ്ട് പണംകൈമാറാം.
യുപിഐ ഐഡി സജീവമാക്കിയിട്ടുള്ളവര്‍ക്കാണ് വാട്ട്‌സാപ്പ് കോണ്ടാക്ട്‌സിലുള്ളവര്‍ക്ക് ആദ്യഘട്ടത്തില്‍ പണംകൈമാറാന്‍ കഴിയുക. ക്യൂആര്‍ കോഡ് ഉപയോഗിച്ചും പണംകൈമാറ്റം സാധ്യമാണ്. ഇന്ത്യന്‍ നമ്പറുകളിലേയ്ക്കുമാത്രം രാജ്യത്തെ ബാങ്ക് അക്കൗണ്ടുകളുമായി ബന്ധിപ്പിച്ചിട്ടുള്ള ഇന്ത്യക്കാരുടെ ഫോണ്‍ നമ്പറുകളിലേയ്ക്കുമാത്രമാണ് പണംകൈമാറാന്‍ സാധിക്കൂ.
എല്ലാ പ്രമുഖ ബാങ്കുകളില്‍ അക്കൗണ്ടുള്ളവര്‍ക്കും പണമിടപാട് നടത്താം. നടത്തിയിട്ടുള്ള ഇപാടുകള്‍, അക്കൗണ്ട് വിവരങ്ങള്‍ എന്നിവ പരിശോധിക്കുന്നതിനും സൗകര്യമുണ്ട്.
ഒരു ലക്ഷം രൂപവരെയാണ് കൈമാറാവുന്ന തുകയുടെ പരിധി. പണം കൈമാറുന്നതിന് നിരക്കുള്‍ ഈടക്കില്ല. ബാങ്ക് അക്കൗണ്ടും ഐഎഫ്എസ് കോഡും ചേര്‍ത്ത് പണംകൈമാറാനുള്ള
സൗകര്യം ചില യൂപിഐ ആപ്പുകള്‍ നല്‍കുന്നുണ്ട്. എന്നാല്‍ ഈ സൗകര്യം നിലവില്‍ വാട്ട്‌സാപ്പിലില്ല.
വാട്ട്‌സ്ആപ്പ് പേയ്‌മെന്റിനായി ഒരു വ്യക്തിയുടെ അക്കൗണ്ട് എങ്ങനെ സജ്ജമാക്കാമെന്നു നോക്കാം:
ഫോണില്‍ വാട്ട്‌സ്ആപ്പ് അപ്ലിക്കേഷന്‍ തുറന്ന് സ്‌ക്രീനിന്റെ മുകളില്‍ വലത് കോണില്‍ സ്ഥാപിച്ചിരിക്കുന്ന മൂന്ന്‌ഡോട്ട് ഐക്കണില്‍ ക്ലിക്ക് ചെയ്യുക. തുടര്‍ന്ന് പേയ്‌മെന്റില്‍ ക്ലിക് ചെയ്യുക> പേയ്‌മെന്റ് രീതി ചേര്‍ക്കുക. നിങ്ങള്‍ക്ക് ബാങ്ക്കളുടെ ഒരു ലിസ്റ്റ് ലഭിക്കും.
തുടര്‍ന്ന് ബാങ്കിന്റെ പേര് തിരഞ്ഞെടുത്ത ശേഷം, നിങ്ങളുടെ നമ്പര്‍ (ബാങ്കുമായി ബന്ധിപ്പിച്ചിരിക്കുന്നത്) പരിശോധിക്കേണ്ടതുണ്ട് (വേരിഫിക്കേഷന്‍). ഇതിനായി, നിങ്ങള്‍ SMS വഴി പരിശോധിച്ചുറപ്പിക്കുക നിങ്ങളുടെ ബാങ്ക് അക്കൗണ്ടുമായി ലിങ്കുചെയ്ത അതേ ഫോണ്‍ നമ്പറാണ്് വാട്ട്‌സ്ആപ്പ് നമ്പര്‍ എന്ന് ഉറപ്പാക്കുക. വേരിഫിക്കേഷന്‍ പ്രക്രിയ പൂര്‍ത്തിയായിക്കഴിഞ്ഞാല്‍, നിങ്ങള്‍ക്ക് പേയ്‌മെന്റുകള്‍ സജ്ജീകരിക്കുന്നത് പൂര്‍ത്തിയാക്കേണ്ടതുണ്ട്. ഇതിനായി നിങ്ങള്‍ ഒരു യുപിഐ പിന്‍ നമ്പര്‍ സെറ്റ് ചെയ്യണം. ഇതിനുശേഷം, പേയ്‌മെന്റ് പേജില്‍ തിരഞ്ഞെടുത്ത ബാങ്ക് നിങ്ങള്‍ക്ക് കാണാന്‍ കഴിയും
തുടര്‍ന്ന് വാട്ട്‌സ്ആപ്പ് പേ വഴി പണം അയക്കാം. ഇതിനായി വാട്ട്‌സ്ആപ്പില്‍ വ്യക്തിയുടെ ചാറ്റ് തുറന്ന് അറ്റാച്ചുമെന്റ് ഐക്കണിലേക്ക് പോകുക. പേയ്‌മെന്റില്‍ ക്ലിക് ചെയ്ത് നിങ്ങള്‍ വ്യക്തിക്ക് അയയ്ക്കാന്‍ ആഗ്രഹിക്കുന്ന തുക ചേര്‍ക്കുക. ഒരാള്‍ക്ക് ഒരു കുറിപ്പ് ചേര്‍ക്കാനും കഴിയും. വാട്ട്‌സ്ആപ്പ് പേയ്‌മെന്റ് പ്രക്രിയ പൂര്‍ത്തിയാക്കാന്‍, നിങ്ങളുടെ യുപിഐ പിന്‍ നല്‍കേണ്ടതുണ്ട്. ഇടപാട് പൂര്‍ത്തിയായിക്കഴിഞ്ഞാല്‍, നിങ്ങള്‍ക്ക് ഒരു സ്ഥിരീകരണ സന്ദേശം ലഭിക്കും.
